Euskal Autonomia Erkidegoko Ijito Herriaren erabateko sustapenerako eta partaidetza sozialerako Kontseiluaren Hezkuntza Batzordeak jardunaldi interesgarria antolatu du Bilbon, Bidebarrietako Udal Liburutegian, urriaren 18an, irakasleei, ijito-erakundeei, senideei, gizarte-eragileei eta abarri zuzenduta. Azken batean, ikastetxeetako esperientzia arrakastatsu batzuk ezagutu nahi dituzten pertsona guztiei zuzendutako jardunaldia da. Esperientzi horietako ikastetxeetan ikasle ijitoek Haur Hezkuntzan irakurtzen eta idazten ikasten dute, Lehen Hezkuntzan eta DBHn arrakastaz ikasten jarraitzen dute, zikloak eta batxilergoak ikasten jarraitzen dute, eta gero eta haur gehiagok azaltzen dira unibertsitatera joatea amesten dutenak. Ikastetxe horietan oso harrera ona izaten dute familiek, ikasgela barruan eta kanpoan parte hartzen dute eta prestakuntzetara joaten dira.
Tarragonako Escola El Mediterranik eta Gasteizko IPI Sansomendik partekatuko dituzten esperientziez gain, esperientzia horien oinarri zientifikoak aurkeztuko dira, eta, beraz, argi erakutsiko da edozein zentrotan erreplika daitezkeen jarduerak direla eta emaitza eraldatzaile berberak lor daitezkeela.
Teoria eta praktika horien konbinazioak oso argi uzten du “eskolak desberdintasunak erreproduzitzen ditu”, “ikasle kalteberekiko eskola-arrakasta oso zaila da, ezinezkoa, ez esatearren” edo “kultura jakin batzuetako familiek ez dute seme-alaben heziketan interesik” bezalako ideiak ez dituztela egiten haurren etorkizunari kalte egiten ez badio.
Eragin soziala duten ebidentzia zientifiko horiek partekatzeko, Bartzelonako Unibertsitate Autonomoko Teresa Sordé katedradunak eta Euskal Herriko Unibertsitateko Andrea Khalfaoui doktoreak hartuko dute hitza.
Adarra Pedagogi Erakundetik, Euskal Autonomia Erkidegoko Ijito Herriaren erabateko sustapenerako eta partaidetza sozialerako Kontseiluaren Hezkuntza Batzordearen kidea den ehinean, jardunaldian parte hartzera animatzen zaituztegu. Izena eman dezakezue esteka honetan.
Egilea: Luisa Maria Puertas
