Bihar, apirilak 2 asteazkena, arratsaldeko 18:30etan, Basurtuko Gizarte Etxean, hezkuntza eta zientzia komunitatearentzat funtsezkoa den “Adolescence” izeneko ekitaldia burutuko da.
Berriki, Adolescence telesailaren estreinaldiak eztabaida handia piztu du ikastetxeetako indarkeriari buruz. Gure iritziz, arazo nagusia da eztabaida soilik arazoen deskribapenean oinarritzea, eta ez konponbideetan, medikuntzaren esparruan egiten den bezala. Jardunaldi honetan, Zero Indarkeria Ausarten Kluba izeneko Hezkuntza Jarduera Arrakastatsua landuko dugu.
Jarduera hau mundu osoko ehunka eskolatan aplikatzen da, prebentzioa eraginkortasunez sustatuz eta indarkeriarekiko zero tolerantzia giroa sortuz. Hizlari nabarmenak egongo dira. Ekitaldian honako hauek hartuko dute parte:
- Aitor Galar, irakasle espezialista Zero Indarkeria Ausarten Kluba eskuhartzean. Healthcare aldizkari zientifikoan berriki argitaratutako artikuluaren lehen egilea.
- Ane López de Aguileta, Me Too Schools-en sortzailea eta gaiari buruzko hainbat artikuluren egilea
Bi adituek ekimen horien eraginkortasunari buruzko ebidentzia zientifikoa azalduko dute, eta esperientzia arrakastatsuak partekatuko dituzte ikastetxeetan. Ekitaldia Adarra Pedagogi Erakundeak eta Bizi ikerketa-taldeak antolatu dute, BIGEren (Bizkaiko Gurasoen Elkartea) laguntzarekin. Izen-ematea doakoa da eta esteka honen bidez (https://docs.google.com/forms/d/e/1FAIpQLSeisbwtnhoBfpFyONKZXWS68X_Y35GOwpdvaxuhkAC3DaY_6A/viewform) edo QR kodearen bidez egin daiteke. Kode hori ekitaldiaren kartelean dago eskuragarri. Topaketa hau aukera paregabea izango da indarkeriarik gabeko hezkuntza-inguruneak eraikitzeko estrategia eraginkorrak ezagutu nahi dituzten irakasle, familia eta profesionalentzat. Ez galdu!
Argazkia: Canva
Egilea: Kaiera
